01 oktober 2017, Met dialect op de koffie

VÖLLE VOLK BI’J JUBILEUMVIERINGEN

Gisterenmorgen was de Daele bi’j Erve Kots in Leevelde töt de leste plaatse bezet bi’j de jubileumvieringen van de Dialectkring Achterhook en Liemers. Het zestigjeurig bestaon van de Dialectkring en de honderdste aflevvering van het programma ‘Met Dialect op de koffie’ wazzen de anleiding veur dee grote belangstelling.
Nao de opening deur veurzitter Diana Abbink was het woord an Geert Krosenbrink den (in ABN) e.e.a. vertellen ovver het ontstaon van de Henk Krosenbrink Stichting en het book ‘Met Eigen Woorden deel 3’, een initiatief van wijlen zien vader.
Deur de inzet van Dick ten Hoopen en Henk Lettink kon het book toch nog op de markt (Fagus-Aalten) kommen en mochten beide samenstellers de aerste exemplaren kriegen oet hande van Hans Keuper.
Daornao brachten Hans Keuper (Boh Foi Toch) en Ferdi Joly (Ex-Normaal gitarist) een prachtig, afwisselend programma met luusterleedjes waorvan d’r enkelen ok bekend wazzen van Normaal en Boh Foi Toch.
Het duo kreeg de zale actief bi’j het leed ovver Hendrik Haverkamp en bi’j een slaopleedjen.
An ’t ende van ’n morgen, het was ton al kwart veur twee in de meddag, presentaeren Diana Abbink het voltallige bestuur op het podium. Gerard Weenink (99) zorgen veur ne mooie afsloeting, deur de hele zale te laoten zingen:’Lang zal ’t plat laeven’.

Kijk voor de foto's in het fotoalbum

Hier is een link naor de Facebookpagina van een van unze fans.