03 april 2016, Met dialect op de koffie

‘Met dialect op de koffie’ met verassingen

Gisterenmorgen was ’t vol op de daele van Erve Kots, waor ne kleine 125 dialectleefhebbers kwammen luusteren naor schriever, verteller, radiomaker en presentator Jans Polling oet Drenthe (Borger 1946). Veurzitter Diana Abbink begon met de presentatie van het ’t beuksken’Rondje Dialect, te voet of op de fiets’. In ’t beuksken staot 7 wandelroutes en 3 fietsroutes langs 8 borden met teksten in de streektaal. Emaakt naor een idee van (in 2015 ovverleden)  Henk Krosenbrink. Ok steet d’r völle informatie ovver de umgeving van de dialectborden in ’t beuksken.

Het 1e exemplaar mocht dochter Harmke Krosenbrink in ontvangst nemmen. Daornao vertellen Jans Polling op kostelijke wieze korte humoristische verhalen ovver zien gezin, waorbi’j de opvoeding, de veurlichting en de (fiets)vakanties veurbi’j kwammen. In eur dankwoord richtten Diana Abbink zich töt Siny en Henk Abbink, Ineke Wezenaar en Ruud Hamburger en Ine en Gerard Uwland. O.a. veur eur  wark an het routebeuksken mochten ze ’n prachtig bloomstuk in ontvangst nemmen. An ’t ende van de bi’jeenkomst kregen alle dialectleefhebbers ne pannekoke met spekharste an ebaone deur de familie Weenink. “Erve Kots” beston onlangs 80 jaor en de Dialectkring organiseert al jaorenlang eure bi’jeenkomsten daor.  De hele zale zong ‘t “Lang zal ze leven”, en de traktatie leet zich iederene good smaken.

Kijk voor de foto's in het fotoalbum

Hier is het videoverslag van RTV Slingeland over Rondje Dialect :