04 oktober 2015, Met dialect op de koffie

Völle volk bi-j Erve Kots.

Zöndagmorgen 4 oktober kwammen 100 dialectleefhebbers naor “Erve Kots” in Leevelde umme te luusteren naor de verhalen en gedichten van Ferry Broshuis (1941) oet Grolle en Derk Jan ten Hoopen (1943) oet Zuudwolde.
Veurzitter Diana Abbink vroog in eur welkomstwoord an het begin van dit ni’je  seizoen een ogenblik stilte. Dit ter ovverdenking van Henk Krosenbrink (erelid en mede-oprichter van de Dialectkring Achterhook en Liemers) den op 18 juni 2015 is ovverleden en van de leu dee altied op dissen morgen kwammen en de afgelopen tied ovverleden bunt.

Ferry Broshuis had kostelijke korte verhalen ovver ne verzetsdaad, den e in ’n oorlog had oet evoerd, ovver het schrieftalent van zien moder, heimwee, handel en hee laezen ok een paar verhalen veur oet zien book “De Daerntjes”.

Derk Jan ten Hoopen begon, passend bi’j de tied van ’t jaor, met gedichten ovver ’n harfst. Daornao had e ’n angriepend verhaal ovver Aaltjen en Hendrik, de schellenboer, een humoristisch verhaal ovver ne foto in de krante en een sfeervol verhaal ovver ene van ziene laezingen, dee-t e had egevvene veur een klein (older) publiek.
De leu hebt zichtbaor en heurbaor genoten van disse aflevvering van “Met Dialect op de Koffie”.

Kijk voor de foto's in het fotoalbum