05 februari 2017, Met dialect op de koffie

Met Dialect op de koffie trök völle volk

Zondagmorgen 5 februari j.l. was de zale bi’j Erve Kots in Leevelde töt de leste plaatse bezet, meer as 200 dialectleefhebbers kwammen luusteren naor  muziek van ‘Alles Andès’, af ewisseld met verhalen van een veertal bestuursleden van de Dialectkring.
Wim Jansen oet Dinxperlo, Hans Beernink oet De Heurne en Stef Geurtzen oet Deutekum wisten het publiek van de aerste töt de leste minute an zich te binden met prachtige ‘luusterleedjes’, waorbi’j ze zichzelf begeleiden op gitaar. De muziek worden af ewisseld met korte verhalen. Gerard Uwland had het ovver de ‘A.H’, Maria Stammers las een verhaal veur van wijlen Jan Groot-Zevert ovver de verkoop van biebels. Vervolgens vertellen Dik Bartelink der ene ovver paprika en Diana Abbink had een fictief verhaal ovver ne wandeling. De belangstelling veur het programma ‘Met Dialect op de Koffie’ wordt nog iedere kere groter.

Kijk voor de foto's in het fotoalbum