05 november 2016, Bomenplanten

SCHRIEVERSPAD WORDT WAER GROTER.

Afgelopen zaoterdagmeddag 5 november 2016 kwammen d’r meer as vaertig dialectleefhebbers naor Café-Restaurant  “D’n Tappen” in Miste onder Wenters umme van daoroet gezamenlijk naor Landgood Kotmans te vertrekken.

Daor is sinds december 2004 een Schrieverspad, een initiatief van wijlen Henk Krosenbrink en landgoodeigenaar Henk Berenschot, en ieder jaor wordt daor een paar beume eplant deur leu, dee zich veurhen of no nog hebt in ezat umme de streekspraoke in laeven te hollen. Ne speciale commissie, bestaonde oet leu van het ECAL (Arfgood Centrum Achterhook en Liemers), Landgood Kotmans en de Dialectkring Achterhook en Liemers, zorgt ieder jaor veur de nominaties en dit jaor mochten het echtpaar Gerard (98) en Marietje Weenink (Erve Kots) oet Leevelde en Diana Abbink oet Wenters-Meddo ne boom planten. Helaas kon Marietje Weenink deur zeekte d’r neet bi’j wezzen en most Gerard Weenink met hölpe van familie ne iemenboom planten, Diana Abbink had eure keuze op ne inlandsen eike laoten vallen. Bi’j de beume kump een bordjen te staon met ne tekst den deur de planters is op esteld.

Terugge bi’j “Den Tappen “ gaf Minus Jentink ne korte oetleg ovver de nominatie, vertellen Diana Abbink wat ovver eurzelf en droog een prachtig gedicht en verhaal veur. Gerard Uwland vertellen een kort verhaal oet de Moespot, dat eschrevvene was deur Ina Brethouwer, ovver het echtpaar Weenink en ok had e een verhaal oet ’t book “Herberg van alle tijden” 50 jaor Erve Kots, oet 2010 en eschrevvene deur Ferry Broshuis oet Grolle.

Het was ne geneuglijken zaoterdagmeddag waor ieder jaor meer (geneugde)dialectleefhebbers op afkomt.

Kijk voor de foto's in het fotoalbum

Hier is het videoverslag van RTV Slingeland :