07 maart 2015 Beste boek Achterhoek en Liemers

7 maart 2015 Bekendmaking en prijsuitreiking Beste Boek Achterhoek en Liemers 2014

Mooiste book van Achterhook en Liemers: Tante Rikie’s Onmundig Mooie Verhalen Book


Dit book worden zaoterdagmeddag bi’j zalencentrum Kerkemeijer in Borculo oet eropene töt beste book van Achterhook en Liemers. De jury koos unaniem veur het book dat op de Zwarte Cross van 2014 worden epresentaerd.
In Tante Rikie’s Onmundig Mooie Verhalen Book staot 22 moderne kinderverhalen, in dialect eschrevvene deur onder anderen Gijs Jolink, Bennie Jolink, Ronald Giphart en Klaas Jan Huntelaar. De jury von het book “Onconventioneel, verfrissend, met lak aan spellingsregels voor het dialect, wat ongetwijfeld de taalpuristen de wenkbrouwen doet fronsen”.
“Wi’j wilt de blagen waer het Achterhooks laeren”, zae Gijs Jolink, den samen met Tante Rikie de pries in ontvangst moch nemmen. Onder de bi’jnao 100 belangstellenden was ok de vader van Gijs Jolink, Normaalveurman Bennie Jolink.
Het book worden in 2014 ondermeer verstuurd naor tal van basisscholen in ’n Achterhook.
“Wi’j hopt dat de scholen daormet neet allene de taal stimulaert, maor ok de Achterhookse cultuur en tradities laevend wilt hollen”, aldus Gijs Jolink.
Met de verkiezing van het mooiste book begunt ok de Bokenwaeke Achterhook en Liemers, een initiatief van de Dialectkring Achterhook en Liemers, Vrienden van de Streektaal Lochem e.u. en het Erfgoedcentrum Achterhoek en Liemers.

Flonkergood

Net as bi’j de landelijke bokenwaeke heurt ok bi’j disse waeke een geschenk: nl. ‘Flonkergood’ dat noe veur de achttiende kere worden presenteerd.
Het onderwarp ‘Vri’jheid’ sprak völle mensen an, want der kwammen maor liefst eenenveertig inzendingen binnen nao de oproop van de organisatoren daor een verhaal of gedicht aover te schrieven. Dee mochten neet langer waen dan dreehonderd weurde en dat is best moeilijk. De veerentwintig mooisten bunt in ‘Flonkergood’ ekommene.
Lange altied gingen ze neet aover den oorlog, wat toch logisch zol waen, maor werd het onderwarp ok benaoderd vanuut heel andere invalsheuke. Wat te denken van vri’jheid bi’j de kapper, op het voetbalveld of van een bromvlege, of van denken.
Veer inzenders mochten dissen meddag hun verhalen veurlaezen en ons al vaste laoten genieten van eur ‘flonkergoodjes’.
Leu dee in de bokenwaeke ’n streekbook koopt van meer as € 10,-- kriegt daor ‘Flonkergood’ bi’j cadeau.

Klik hier voor het jury rapport.

Kijk voor de foto's in het fotoalbum.