10 december 2017, Met dialect op de koffie

MET DIALECT OP DE KOFFIE IN KARSTSFEER

Zondagmorgen 10 december 2017 kon veurzitter Diana Abbink een 100-tal dialectleefhebbers welkom heten in Erve Kots in Leevelde. Minus Jentink had helaas af motten zeggen i.v.m. zeekte, maor Mia Tankink, pastor op de Keijenborg, wol ok het hele programma wal volpraoten en dat ging eur makkelijk af.
Veur de pauze vertellen Mia, op de van eur bekende anspraekende wieze, veural ovver het boerenlaeven van vrogger, met hölpe van foto’s op ne beamer kwammen völle herinneringen bovven bi’j de anwezigen.
Nao de pauze ging ’t ovver het ontstaon van de gebroeken rond de karstdagen in de verschillende karken. Ondertussen was ’t boeten beginnen te sni’jen en ton de leu op hoes angingen, lag d’r ne dikke pakke snee.
De karstsfeer was compleet.

Kijk voor de foto's in het fotoalbum