20 maart 2016, Hulzer Willem dag

De Dialectkring hef op verzoek van de Historische Kring Kotten met ewarkt an de Hulzer Willemdag op 20 meert j.l umme Willem Wilterdink zienen 90sten geboortedag (19 meert) te herdenken.

Veurzitster Diana Abbink hef o.a.Hulzer Willem ziene sociale en maatschappelijke kante belicht. Ok de betrokkenheid met de leu umme zich hen en veural wat hee betekent hef veur ’t dialect. Gerry Kuenen en Siny Abbink hadden meer persoonlijke herinneringen verwarkt in hun zelf geschreven verhalen.

Raymond Ubbink, as verzorger in verpleeghuus “De Pronsweide”, had een persoonlijk verhaal. Willem ziene verhalen en verskes warken as een soort therapie veur de bewoners.

Verder worden de dag op evuld met schetsjes en verskes van Willem, oet evoerd deur leden van toneelvereniging Toep oet Kotten.

Ok ‘t Gemengd Koor Kotten hef ‘n paar verskes ezongene dee deur Willem eschrevvene bunt. De kleinkindere van Willem hebt ne inlandsen eike plant en de buurte van Willem hef t’r ne robuuste banke bi’j eplaatst.

Tussen de middag was t’r veur iederene wee dat wol, een botterham met spek, waoraover ok deur Willem een versken emaakt is.

De zale was d’n helen dag deur good gevuld, al met al ne geslaagden dag.

 

Kijk voor de foto's in het fotoalbum