10 juli 2014, Dialectavond op Landgoed Kotmans

Afgelopen donderdagaovend 10 juli  was ’n aersten van twee dialectaovende op landgood Kotmans in Miste.
’t Was ne zwoelen zommeraovend en ne kleine 80 dialectliefhebbers wisten met de fietse of ’n auto de weg te vinden naor dit prachtige landgood.
Frits Kolkman oet Gelster wis ’t publiek op kostelijke wieze te vermaken met ziene humoristische gedichten en Gerda Stronks oet Leevelde had prachtige nostalgische gedichten, dee ze oet ’t heufd, op spraekende wieze veurdroog.
Gerard Uwland oet Raotum laezen veer (waorgebeurde) herkenbaore korte verhalen veur.
Deur de verbaeterde geloedsinstallatie was alles deur iederene perfect te volgen.
Dankzij de afwisseling in ’t programma, maor ok deur ’t mooie waer, was ’t ne zeer geslaagden aovend.

De foto's kö'j bekieken in 't fotoalbum.