28 juli 2016, Dialectavond op Landgoed Kotmans

Effen mossen de parapluus op en raengejässe an, maor  het was gelukkig gauw weer dreuge op den tweeden Kotmansaovend. De temperatuur was good, misschien ok wal deurdat der zovölle publiek b’j mekare was ekommen. Het programma was heel gevarieerd.
Joop Hekkelman oet Gorssel nam uns met langs actuele gebeurtenissen en ervaringen dee-t e beschrif in ziene columns. Hee laezen ok het verhaal veur waor at e eerder dit jaor een schrieverswedstried van de provincie Aoveriessel met ewonnen had.
Gerard Uwland oet Raotum las enkele humoristische verhalen veur dee-t zich disse  kaere veural afspöllen rond de volksfeesten in de buurtschappen rond Wenters. Dat passen mooi bi’j disse tied van het jaor.
Johan Hoftijzer van de Haort  vertellen interessante details oet olde papieren van zien vader. Zoas wat bouwmaterialen en ne timmerman in de twintiger en dartiger jaoren kosten. Ho at den annemmer en ziene vrouwe op zaoterdagaovend de beitels weer scharp maakten zodat de timmerleu ’s maondags voort weer an het wark konnen. Ok ziene schooltied bie meister De Vries op de Haortse schole en ziene meuizame  “dichtkunst” kwammen an bod met het gedicht aover de koo töt besloet.
Al met al was het ne heel mooien zommeraovend op het Landgood Kotmans.

De foto's  kö'j bekieken in 't fotoalbum