03 november 2018, Bomenplanten

SCHRIEVERSPAD HAOSTE VOL.

Afgelopen zaoterdag 3 november 2018 bunt d’r 2 beume bi’j ekommene an ’t Schrieverspad op landgood Kotmans in Miste onder Wenters. ’t Was ne zunnigen zaoterdagmeddag, windstille en neet kold, ton de familie Roelofs de schuppe kon pakken umme veur Geert Roelofs (postuum) ne walnöttenboom te planten. Daornao was de beurte an het duo Hádiejan umme ok ne walnöttenboom (nr. 66) te planten, neet wied oet de buurte van ‘’n anderen. D’r worden op dissen meddag veur de vieftiende kere beume eplant.
Bi’j de beume kump een bordjen met ne korten tekst.

Ondertussen is het Schrieverspad zo good as vol, d’r is ovverleg ewest met Gemeente Wenterswiek veur ne oetbreiding.

Nao het beumeplanten gingen de ca. 30 geneudigden naor café-restaurant Den Tappen in Miste umme nao te praoten ovver de korte plechtigheid. Veurzitter Diana Abbink van de Dialectkring Achterhook en Liemers openen de bi’jeenkomst en wees de anwezigen op de wet op de privacy: “Wee neet op ne foto wil, mot dit effen zeggen”. ’t Bleef moesstille.
Daornao gaf Hans Beernink, ni’j Schrieverspadcommissielid namens het landgood Kotmans, kort oetleg ovver de beide nominaties.  De genominaerden mot zich hebben in ezat veur het behold en het cultivaeren van de streektaal. Iris Roelofs las een pakkend verhaal veur van eur vader en het Duo Hádiejan trad op met 3 prachtige leedjes.
Theo Roes (82) oet Deutekum las een paar korte stukken veur oet het leste book “Uut old gemuudeluk Koolhoven” van zien vader Herman van Velzen.
Rond 16.00 uur sloot Diana Abbink d’n gemeudelijken meddag af.

De foto's  kö'j bekieken in 't fotoalbum.