05 juli 2018, Dialectavond op Landgoed Kotmans

MOOI WAER, VÖLLE VOLK OP DIALECTAOVEND.

Op 5 juli 2018 kwammen d’r meer as 100 dialectleefhebbers naor Landgood Kotmans in Miste onder Wenters umme daor
bi’j ’t Schrieverspad te luusteren naor 3 verhalenvertellers.
Gert Hiddink oet Toldiek begon in ’t ABP (Achterhooks Boeren Plat) met ’n verhaal ovver ne hoonderkraemer en las een paar gedichten veur. Johan Eppink oet Steenderen las gedichten en verhalen van o.a. W. Bosch-Wentink, H. Westerveld en J.W. Denkers. Johan Hoftijzer oet Aalten zien verhaal ging ovver trouwen in vrogger tied, hee zong d’r ok nog bi’j.
Nao de pauze vertellen Gert Hiddink ovver ne fietsendiefstal en las nog een paar gedichten veur in ’t ABN.
Johan Eppink kwam met ’n verhaal van Hendrik Weenink en van Willem Smeitink.
En as lesten vertellen Johan Hoftiezer ovver ziene wonderbaarlijke carriere, dee estuurd was deur Ene.
Veurzitter Diana Abbink bedanken an ’t ende alle metwarkers an dissen aovend, dee daorna een langdurig applaus in ontvangst mochten nemmen.
Het was, ok deur het mooie waer, ne prachtigen aovend met völle variatie in de vertellers en eure verhalen.

De foto's  kö'j bekieken in 't fotoalbum