07 oktober 2018, Met Dialect op de koffie

Heel völle volk bi’j “Met Dialect op de Koffie”

Nog nooit wazzen d’r zovölle dialectleefhebbers bi’j Erve Kots in Leevelde as op zundagmorgen 7 oktober 2018.
Veurzitter Diana Abbink kon ne bomvolle zale welkom heten, waornao BenTragter oet Borculo ne mooien film vertonen ovver Willem Wilterdink (Hulzer Willem) oet Wenterswiek-Kotten.
Willem Wilterdink (1926-2011) schreef gedichten, verhalen, toneelstukken en openluchtspelen in het dialect van Wenterswiek. De film duren ca. 45 minuten en d’r zat völle afwisseling in, het was ’n interessant vraoggesprek tussen Willem Wilterdink en Arie Ribbers, waorbi’j een groot deel van het laeven van Willem ter sprake kwam.

Nao de pauze kwam Raymond Ubbink oet Wenterswiek an ’t woord. Ubbink is verpleegkundige, leedjesschriever en drummer bi’j de reggaeband Toe Maar. Hee vertellen ovver wat de streektaal betekent veur patienten met dementie.
Patienten dee gin woord meer könt zeggen en allene maor hulen, fleurt helemaol op as d’r ne CD wordt op ezat met de leedjes van “Hulzer Willem” . De herkenbaorheid van het dialect is hiervan de raeden, volgens Ubbink.
An ’t ende van de morgen zong Ubbink met de hele zale “Gemeudeluk” van “Hulzer Willem” en “Hee hee hoo hoo” van Boh Foi Toch.

Hier 'n stuksken van de film van Ben Tragter :

Wi'j d'r maer van zeen, dan kö'j contact opnemmen met Ben.

De foto's  kö'j bekieken in 't fotoalbum.