08 april 2018, Met dialect op de koffie

Volle zale bi’j “Met Dialect op de Koffie”.

Bi’jnao 125 dialectleefhebbers kwammen zondagmorgen 8 april j.l. naor Erve Kots in Leevelde umme te lusteren naor Esther Kämink ( 1984) oet Aalten en Pim te Bokkel (1983) , den ok in Aalten opgreujen, maor teggenwaordig in Schoorl wont.

Esther Kämink had veural herkenbaore verhalen en gedichten van disse tied, dee ze op, van eur bekende, eigen wieze veurdroog. Vake ging het ovver de generatiekloof, dee met völle humor besprokken worden.

Pim te Bokkel dicht veurnamelijk in ABN, maor een aantal gedichten droog e veur in ’t Dialect. Ovver letterlijk ieder onderwarp of veurwarp geet zien wark, dat e op röstige wieze veurdroog, soms vanaf zienen smartphone.

Het was waer ne mooien morgen, met völle afwisseling.

De foto's  kö'j bekieken in 't fotoalbum