02 november 2019, Beumeplanten an 't Schrieverspad

SCHRIEVERSPAD VOL

Zaoterdagmeddag 2 november kwammen ca 25 geneudigden naor het schrieverspad op landgood Kotmans in Wenterswiek-Miste umme getuuge te wezzen van de leste kere dat daor ne boom worden eplant.

Het echtpaar Wilhelm (1930) en Gertrud (1936) Elling oet Vreden (Dld.) mocht ‘n 67sten en lesten boom (walnöttenboom) planten. Hiermet is het schrieverspad vol.

Umme ca 14.30 uur was het hele gezelschap terugge bi’j café-restaurant Den Tappen, waor de koffie klaorstond. Henk Berenschot, landgoodeigenaar en veurzitter van de Stichting Schrieverspad, vertellen e.e.a. ovver het schrieverspad.

Hans Beernink, lid van de schrieverspadcommissie, vertellen in ’t kort, waorumme het echtpaar Elling ne boom mocht planten, daornao was het woord an Wilhelm Elling zelf. Twee dochters wazzen met ekommene.

In het “Hoch-Duuts” vertellen hee ovver ziene aktiviteiten veur het behold van de streektaal. Hee was o.a. onderwiezer, veurzitter van oldheidskundige verenigingen, warken met an beuke ovver veldnamenonderzeuk, woordenbeuke en jaorbeuke en maken zich drok veur diverse musea.

Alles met hölpe van ziene vrouwe Gertrud.

Nao de pauze vertellen Theo Roes een verhaal van zien vader (Frans Roes 1902-1974) en vertellen Gerrit Odink ovver Hendrik Odink. Gerrit Odink had in 2008 ne es eplant veur Hendrik Odink, maor dissen es was 2019 neet deur ekommene, estorvene an de essenzeekte.

Gerrit Odink hef dissen meddag ne ni’jen es eplant veur Hendrik Odink.

Umme 16.00 uur kwam d’r ’n ende an ne gemeudelukken meddag

De foto's  kö'j bekieken in 't fotoalbum

Hier is een filmverslag van het planten van de boom van RTV Slingeland.