07 april 2019, Met dialect op de koffie

MET DIALECT OP DE KOFFIE WAER ESLAAGD

Ne kleine 140 dialectleefhebbers kwammen zondagmorgen 7 april 2019 naor Erve Kots in Leevelde umme te luusteren naor ’n optraeden van dialectmuzikant en cabaretier Joop Boxstart oet Babberich. Samen met toetsenist/technicus John te Dorsthorst maken Joop d’r een mooi programma van dat bi’j iederene in de smaak veel.
Vrolijke en serieuze luusterleedjes in het dialect van de Liemers worden af ewisseld met conference. Ok kwammen d’r nog een paar leedjes oet de olde deuze veurbi’j zoas: “Hello Mary Lou” van Rick Nelson en “Tanze met mir in den Morgen” van Gerhard Wendland.
’t Leste leedjen was: “Naor de spöltuin op zondagmeddag”, dat reep nostalgische herinneringen op bi’j de anwezigen. Mede deur de prima geloedsinstallatie was ok dissen lesten “Koffiemorgen” van het seizoen 2018-2019 prima eslaagd.

De foto's  kö'j bekieken in 't fotoalbum