3 oktober 2021, Met dialect op de koffie

NE MOOIEN ZONDAGMORGEN MET ‘GOEDVOLK’.

Afgelopen zondagmorgen 3 oktober 2021 wazzen meer as 100 dialectleefhebbers naor Erve Kots in Leevelde ekommene umme te luusteren naor de streektaalband “Goed Volk”.
Bi’j de ingang was de “Coronacontrole” en dat verleep prima.

In eur openingswoord schonk veurzitter Diana Abbink o.a. andacht an de Rabo ClubSupport actie veur het Schrieverspad, het insturen van verhalen veur “Flonkergood” en de kommende bestuurswisseling in het bestuur van de Dialectkring Achterhook en Liemers.
Veur Dik Bartelink oet Wenters kump Johan Eppink oet Steenderen in de plaatse, en veur Gerard Uwland oet Wenters-Raotum kump Annemarie Damveld oet Grolle in het bestuur.

Daornao was het de beurte an de streektaalband “GoedVolk”, dee met mooie luusterleedjes de zale helemaol stille kreeg. De ras-muzikanten Hans Beernink, Stef Geurtzen, Hans Westerveld en Frans van Gorkum zongen ‘n antal leedjes, dee ok staot op de CD van Bonne Route, oet ebracht in 2011.
Maor ok minder bekende leedjes deden ’t good en ’n paar nummers worden, zonder instrumenten, “close harmony ” loepzuuver ezongene.

An ’t ende van het optreden attendaerden Diana Abbink nog op het streektaaldictee op 11 nov. a.s. en op het festival “Plat Gespöld” op 21 november a.s.
Het was ne mooien morgen, reclame veur de Nedersaksische taal.

De foto's kö'j bekieken in 't fotoalbum

Goedvolk : Nedersaksenproat

Goedvolk : Mien Laeven