06 meert 2022 Waeke van het Achterhookse en Liemerse book 2021

Dit jaor was der in ’t KUlturhus in Vorden weer ne olderwetse bijeekomste rondumme de oetreiking van ’t eerste exemplaar van kadoobeukske Flonkergood en de verkiezing van ’t beste book van Achterhook en Liemers. In een sfeervol programma,  veur een volle zale, lazzen veer schrievers hun inzending oet  Flonkergood veur.  Der was muzikale bi-jdrage van troubadour Gery Groot Zwaaftink en de bezeukers konnen kennismaken met de vief genomineerden veur de titel van ’t beste book. De jury hef ’t zwaor ehad, ze mossen kiezen oet zon honderd beuke. Alle vief auteurs kregen een lovend juryrapport, maor de oetendeleke winnaar was Astrid Schutte met eur book “De laatste heer”.

Ok wodden de opstaeker oet-ereikt an Ida Sluiskes veur eur initiatief www.luusteren.nl de webstae waorop ze 113 dialect verhalen en gedichten hef in-elaezen, zodat leu dee in Corona-tied maor weinig contacten hadden in elk geval naor mooie teksten konnen luustern. Zeker een pluumken weerd.

’t Waeketreffen is een samenwarking van Dialectkring Achterhook en Liemers, Vrienden van de Streektaal Lochem en ECAL.  Een vruchtbaore samenwarking, ’t leep prima en at ’t zon betken kan doo’w ’t volgend jaor weer!

Klik hier veur het persbericht over de winnaar.

Klik hier veur de poster van de genomineerden.

De foto's kö'j bekieken in 't fotoalbum.

Hier is een veurdracht van Ina Brethouwer veur Flonkergood

Hier is een veurdracht van Else Klomps veur Flonkergood

Hier is een veurdracht van Janette van Egten veur Flonkergood