06 juli 2023, Dialectaovend op Landgoed Kotmans

NE MOOIEN AOVEND OP KOTMANS:

Donderdagaovend 6 juli waren d’r weer ne hoop streektaalleefhebbers ekommene naor ’t Schrieverspad op  Landgood Kotmans in Miste. Ze kwamen umme naor verhalen te luusteren dee de dree streektaalschrievers den aovend kwamen vertellen. Ernst Jan Luiten (Winterswijk), Ellis Breukelaar(Sinderen) en Ria Olijslager(Lievelde) hadden prachtige verhalen met-ebracht en konnen daor heel beeldend ovver vertellen. Rond een uur of half tiene was de aovend af-elopene en konnen de luusteraars met een heufd vol mooie verhalen in de streektaal weer huuswaarts keren.

De foto's  kö'j bekieken in 't fotoalbum.

Ellis en Ernst Jan hebt veur Flonkergood 2023 ok een verhaal in e-stuurt en veurelaezen. Klik hier umme naor eur verhalen te luustern.