01 oktober 2023, Met dialect op de koffie

Op zundag 1 oktober was Martin ter Denge uut Riessen (Ov.) te gast op de koffiemorgen bi’j Erve Kots. Ne völziedigen artiest. Naost dat hee ziene gitare had met ebracht en daor prachtige verskes op spöllen, kon hee ok deur interactie met de zaale in ‘t Twents uutleggen, wat ’t verschil is tussen ’t Achterhooks en ’t Twents maor ok dat d’r ovvereenkomsten bunt. Deur middel van d’n ’ streeier en scharm’ (Twents veur ‘beamer en scherm’), kon Martin met de neudige humor anschouwelek maken wat d’r in de af-elopen paar honderd jaor zoal in de geschiedenis van ’t Oosten van Nederland an de hand was. Van d’n tachtigjeurigen oorlog töt an disse tied. Olde gebroeken dee al wat naor de achtergrond eraakt waren, wis hee weer eaven terugge te halen en daorbi’j de uutleg te gevven waorumme at de leu dat zo edaone hadden. Zo he-w naost een gemeudelijken koffiemorgen ok nog ’t een en ander bi’j eleerd. Al met al een mooi begin van een ni’j jaorprogramma van de Dialectkring Achterhook en Liemers.

Hieronder kö-j twee filmpkes bekieken uut de veurdracht van Martin ter Denge.

Fragmenten

Wat een geluk

De foto's  kö'j bekieken in 't fotoalbum.