Frits Kolkman

Andievie

wat een hoop andievie ha-w dit jaor
‘t is ‘n gezonde etterieje - wodt bewaerd
dus andievie ette wi’j heel gevariaerd
en maakt ‘t op dree manaeren klaor

stampot met spekjes is een lekkernij
bi’j blote aepel et wi’j ‘t – gestaofd - of rauw
en blieft wal de kanemelkse sause trouw
daorbi’j is het ok beslist hael lekker grei
       
in ‘n krop andievie zee-j van als - wal ene
piere - slakken - en maer van dee kul
ma op ’t bod he-k nooit vas vleis ezene…

de hennen kriegt wal  andievie - met beleg…
van dat  slakkerige sliekerige spul
hoppelijk komt ze nog better no an de leg

Frits Kolkman