27 oktober 2018, Dialectdag

54e DIALECTDAG / 54. TAG DES PLATT

Ne kleine 100 dialectleefhebbers kwammen zaoterdag 27 oktober 2018 naor de Museumfabriek an de Laan van Hilbelink in Wenters umme te luusteren naor inleidingen ovver het gebroek van de moderne media.

Dissen dag was georganisaerd deur de Stichting Culturele Grenscontacten Achterhoek-Westmünsterland in samenwarking met de Kulturkreis Schloss Raesfeld e.V., Dialectkring Achterhook en Liemers, Kult Westmünsterland-Vreden, Kreisheimatpflege Borken en de Museumfabriek Wenters.

Nao de opening deur veurzitter Diana Abbink van de Dialectkring Achterhook en Liemers heel Willemijn Zwart van de IJsselacademie oet Zwolle ne inleiding ovver de online tookomst van het Nedersaksisch.

Oet eur onderzeuk kwam naor veuren dat jongeren de streektaal ’t meeste gebroekt op Whatsapp, daornao op Instagram en ’t minste op Facebook. As veurbeelden umme de streektaal nog meer te gebroeken dach ze o.a. an ne Like-knop in het Nedersaksisch, praotend spöllegood in het Nedersaksich, Nedersaksische games, meer Nedersaksisch op lokale en regionale radio en TV en Duolinguo en andere taalleerapps.

Annette Winkelhorst, schriefster oet Recklinghausen las eure humoristische gedichten en verhalen veur in eur eigen Platt en dat was veur de leu van beide kanten “van ’n Paol” good te verstaon.
Klik hier voor de stukjes uit haar boek waaruit ze heeft voogedragen.

Femia Siero, directeur van het Erfgoedcentrum Achterhoek en Liemers neumen in eur betoog alle activiteiten dee eur instelling heel, umme de streektaal onder de andacht te brengen en te hollen. Ze benaodrukken het in stand hollen en bevorderen van het Cultureel arfgood in Achterhook en Liemers in de meest roeme zin van het woord.
Daor heurt ok het oetgevven van eigen publicaties bi’j.

Maria Stammers, bestuurslid van de Dialectkring Achterhook en Liemers, gaf in eure inleiding ne opsomming van alle activiteiten dee de Dialectkring organisaeren umme de streektaal laevend te hollen.
Koffiemorgens, dialectaovende, streektaalfestival, muziekfestival Plat Gespöld, dialectdag, beume planten an het Schrieverspad, warkbi’jeenkomsten, schrieverscursussen en Midwinteraovend en daornaost nog onderwiesprojecten as “Wiesneus” wazzen onderwarpen dee eneumd worden.

Nao het gezamenlijke meddagaeten konnen de leefhebbers gebroek maken van ne rondleiding deur de Museumfabriek.

Klik hier voor de presentatie van Willemijn Zwart

Klik hier voor de presentatie van Femia Siero

Hier is een interview met Diana Abbink van RTVSlingeland

De foto's  kö'j bekieken in 't fotoalbum.